Die FW de Klerk Stigting verwelkom die besluit deur die Minister van Binnelandse Sake, Malusi Gigaba, om onmiddellik te bedank (soos ons op 2 November aangevoer het). Te midde van die toenemende aanklagte dat hy onder eed gejok het, die Grondwet geskend het en volgens die Openbare Beskermer die Executive Members’ Ethics Act oortree het, verlaat Minister Gigaba die kabinet onder ‘n baie donker wolk. 

Minister Gigaba het ‘n spoor van verwoesting agter gelaat in die tydperk wat hy Minister van Openbare Ondernemings was, onder die ministeriële portefeuljes wat hy beklee het. Regstellende stappe, tot groot onkoste vir die land, is ingestel om die skade aan feitlik alle ondernemings in staatsbesit, wat onder sy toesig op die verkeerde pad gelei. 

Die FW de Klerk Stigting verwelkom, met versigtige optimisme, die voorsitter Cyril Ramaphosa se aanstelling van ‘n Kommissie van Ondersoek na beweerde onbehoorlikhede by die Openbare Beleggingskorporasie (OBK). Die aanstelling van die Kommissie is ‘n belangrike bevestiging van die President se bevoegdhede, soos deur die Grondwet verleen. 

Die omvattende verwysingsraamwerk sluit in die ondersoek na ernstige beweringe van onbehoorlikhede wat met OBK-beleggings verband hou. Dit hou ook verband met die optrede van vorige en huidige staatsamptenare en personeel, met inbegrip van die funksionering van sy Raad. Die beperkte tydelike omvang van die werk van die Kommissie – van 1 Januarie 2015 tot 31 Augustus 2018, wat enige twyfelagtige transaksies wat in daardie tydperk gesluit is, uitsluit. 

Ek het met groot hartseer kennis geneem van die dood van Pik Botha.

Hy was een van die vernaamste persoonlikhede in Suid-Afrikaanse politiek vanaf 1970 tot met sy uittrede uit die aktiewe politiek in 1996. Hy het van 1977 tot 1994 met groot onderskeid gedien as Suid-Afrika se Minister van Buitelandse Sake van 1977 tot 1994 – en was een van die wêreld se langsdienende buitelandse ministers. Gedurende sy termyn het hy Suid-Afrika vasberade verdedig teen toenemende internasionale isolasie. 

Die FW de Klerk Stigting verwelkom die feit dat President Ramaphosa, in belang van goeie regeringsbestuur, die bedanking van mnr Nhlanhla Nene as Minister van Finansies aanvaar het. Soos genoem in ‘n SGR-artikel wat gister verskyn het, was dit die regte ding van mnr Nene om sy bedanking in te dien, en dit was die regte besluit van die President om dit te aanvaar. Dit bied aan die land ‘n rare geval van verantwoordbaarheid en etiese optrede op senior regeringsvlak, veral wat die afgelope paar jaar betref. Te dikwels, soos in die geval van SASSA en Life Esidimeni, het politici en senior amptenare hul verantwoordelikhede ontduik en aanspreeklikheid ontken – en sodoende oneties opgetree.

Die FW de Klerk Stigting en voormalige President FW de Klerk wil graag mede-Nobelvredespryswenner, Aartsbiskop-emeritus Desmond Mpilo Tutu, gelukwens met sy 87ste verjaarsdag op Sondag, 7 Oktober. Ons vier sy lewe en sy prestasies, en die relatiewe goeie gesondheid wat hy geniet. Hy het, deur die loop van sy lewe, geveg om geregtigheid en versoening. Hy het voortdurend uitgevaar teen ongeregtighede en verkeerde optrede, ongeag wie die oortreders was. Deur dit alles was hy ‘n nederige dienaar van God, in diens van sy mense. Mag jy ‘n geseënde dag en goeie jaar hê, Arch!

Dis dalk maklik om die opmerkings oor staatskaping tydens ‘n lesing op 12 September deur voormalige President Jacob Zuma as belaglik, snaaks en vreemd af te maak – die tierades van ‘n gewonde voormalige President. Om te sê dat die huidige krisis ‘n “polities versierde uitdrukking van staatskaping” is en dat daar nie so iets soos “staatskaping” is nie, terwyl die werk van die Zondo-kommissie (oor staatskaping!) – en wat hyself aangestel het – onderweg is, maak net nie sin nie. Ten beste is dit ‘n teoretiese les in semantiek, wat heeltemal van realisme gestroop is. Maar dit moet ons nie bekommer nie. Wat voer Zuma – in die ergste geval – in die mou?