Internasionale Moedertaaldag word wêreldwyd op 21 Februarie gevier om bewuswording oor linguistieke en kulturele diversiteit en veeltaligheid te bevorder. Die dag word sedert 2008 waargeneem en stem ooreen met die dag in 1952 toe studente in wat vandag Bangladesh is, betoog het vir die erkenning van Bangla as een van die twee nasionale tale van Oos-Pakistan, en gevolglik deur polisie doodgeskiet is.
Tydens ‘n vergadering op 1 Februarie 2016 het die Raad van die FW de Klerk Stigting besluit om die huidige Voorsitter, dr Theuns Eloff, met ingang van 1 Julie 2016 as Uitvoerende Direkteur van die Stigting aan te stel. Tydens dieselfde vergadering is die huidige Uitvoerende Direkteur, Dave Steward, as die nuwe Voorsitter van die Raad van Trustees aangewys, met ingang vanaf dieselfde datum – nadat hy sy voornemens om ná 17 jaar as Uitvoerende Direkteur uit te tree, bekendgemaak het.
Elke jaar bied die Stigting ’n konferensie aan ter herdenking van FW de Klerk se historiese toespraak aan die Parlement op 2 Februarie 1990.
Die Raad van Trustees van die FW de Klerk Stigting het tydens sy laaste vergadering in 2015 besluit om die FW de Klerk-welwillendheidstoekenning vir 2016 aan die Openbare Beskermer, adv Thuli Madonsela, en haar span toe te ken.
Die Raad het die FW de Klerk-welwillendheidstoekenning in 2010 ingestel om erkenning te gee aan individue en organisasies wat uitsonderlike bydraes tot die bevordering van welwillendheid tussen Suid-Afrikaners gemaak het. Vorige wenners sluit in dr Danny Jordaan (2011); Pieter-Dirk Uys (2012); Studietrust (2013); Patrice Motsepe (2014) en Afrika Tikkun (2015).
Die FW de Klerk Stigting het vandag ‘n klagte by die SA Menseregtekommissie ingedien betreffende 45 plasings op sosiale media wat ekstreme geweld teen wit Suid-Afrikaners aanmoedig.
Die Stigting is veral bekommerd oor onlangse verklarings in die media en op sosiale media wat neerkom op kwetsende rassistiese aanmerkings.
DIE TOEKOMS VAN MULTIKULTURALISME IN SUID-AFRIKA
Die FW de Klerk Stigting – in samewerking met die Konrad Adenauer Stigting – nooi u uit na ons jaarlikse konferensie in Kaapstad.
Die Toekoms van Multikulturalisme in Suid-Afrika: ‘n Swart Perspektief
Die Toekoms van Multikulturalisme in Suid-Afrika: ‘n Bruin Perspektief
Die Toekoms van Multikulturalisme in Suid-Afrika: ‘n Afrikaner-perspektief
Die Toekoms van Multikulturalisme in Suid-Afrika: Die Visie van die Grondwet
Die Toekoms van Multikulturalisme in Suid-Afrika: Die Toekoms van Onderrigtaal in skole en op Universiteite
Die Toekoms van Multikulturalisme in Suid-Afrika: Die Uitwerking van Demografiese Verteenwoordiging
Die FW de Klerk Stigting wens al sy Vriende en Ondersteuners Vrede en Geluk toe gedurende die Feestyd en Goeie Gesondheid en Voorspoed vir die Nuwe Jaar …
Die merkwaardige ontwikkelings van die afgelope week opper verskeie belangrike vrae oor ons President; oor die ANC, oor mag – en oor ons grondwetlike demokrasie.
Die eerste vraag hou verband met die vermoë van mnr Zuma om hierdie belangrike verantwoordelikhede wat ons Grondwet aan hom toeken, uit te voer. In lig van sy onverklaarbare besluit – wat steeds nie verklaar is nie – om die Minister van Finansies af te dank, is dit moontlik belangriker as ooit om te probeer verstaan wat Jacob Zuma motiveer.
Op die vooraand van die 22ste Versoeningsdag na die stigting van die demokratiese Suid-Afrika, moet ons die vraag stel: Wat het gebeur met die versoenende reënboognasie van Mandela, De Klerk en Tutu? Want dis is ongelukkig baie duidelik dat versoening en verdraagsaamheid te kort skiet in Suid-Afrika.
‘n Paar voorbeelde bewys hierdie punt: xenofobiese aanvalle op buitelanders, onverdraagsaamheid onder en in politieke partye (veral in die Parlement), die onlangse voorbeelde van aanvalle op en skade aan standbeelde en die geweld en rassistiese ondertone van sommige van die studentebetogings. Tony Ehrenreich se nou berugte uitlating betreffende die omstredenheid oor die naam van ‘n Kaapstadse straat na FW de Klerk sê als: “Die fase van versoening wat onpartydige wit en swart mense bymekaar gebring het, is verby. Ons is nou gewikkel in die stryd om ekonomiese en maatskaplike geregtigheid.” In hierdie trant speel baie politieke leiers die rassekaart en sweep emosies op wat ras betref – in direkte teenstelling met ‘n gees van eenheid en versoening. Dit was inderdaad beduidend dat die konsep van versoening as ‘n noodsaaklikheid byna heeltemal afwesig is in die dokumente wat gedien het voor die Nasionale Algemene Raad se vergadering van die ANC vroeër vanjaar.
