Die FW de Klerk Stigting se span wil sy hartlike gelukwensing oordra aan Emeritus Aartsbiskop, Desmond Tutu, wat op Saterdag, 7 Oktober 2017 sy 86ste verjaardag vier.

Die Stigting wil die Aartsbiskop die beste gesondheid vir die komende jaar toewens, en erkenning verleen aan sy lewenslange pogings om ‘n vreedsame, nie-rassige, demokratiese Suid-Afrika daar te stel. Die Stigting loof die Aartsbiskop vir sy uitgesprokenheid oor die grondwetlike waardes en regte waarop ons demokrasie gebou is.

Gelukkige verjaardag, Arch!

Die FW de Klerk Stigting, met die volle ondersteuning van sy stigter, Nobelvredespryswenner en voormalige Suid-Afrikaanse President, FW de Klerk, doen ‘n beroep op alle partye in die Myanmar-konflik om selfbeheersing en wysheid toe te pas wat die bestuur en oplossing van dit wat besig is om wêreldwyd as ‘n humanitêre krisis erken te word. Met tien duisende mense (sommige sê honderde duisende) wat landuit vlug, of dit nou is om weg te kom van die “geweld” of van “die weermag”, is dit rede vir ‘n regering om te besin en te vra wat dringend gedoen kan word. Wat ons en die res van die internasionale gemeenskap sien is dat gewone mense die meeste seerkry.

Op Dinsdag, 18 Julie sal die personeel van die FW de Klerk Stigting deelneem aan verskeie aktiwiteite ter herdenking van Mandela-dag. Die span sal die oggend spandeer om stimulasie-pakkies by Autism Western Cape te maak, en hulle sal die middag die tuinmure by Iris House Children’s Hospice verf.

Internasionale Nelson Mandela-dag is in 2009 deur die Verenigde Nasies ingestel om voormalige President Nelson Mandela se leeftyd van diens aan Suid-Afrika en die wêreld te gedenk. Hierdie jaar word burgers aangemoedig om stappe te doen teen armoede te verlig op ‘n manier wat volhoubare verandering teweeg sal bring.

Beide Autism Western Cape, asook Iris House, verleen noodsaaklike dienste aan kinders met gestremdhede, asook ondersteuning aan hul families – gratis. Deur saam te span met hierdie waardige organisasies, nie net om 67 minute van dienslewering vir Mandela-dag te gee nie – maar regdeur die jaar, dra die Stigting by tot die herstel van waardigheid en om die wêreld ten goede te verander.

Die FW de Klerk Stigting neem met groot kommer kennis van die publikasie van die Mynhandves van 2017. Vrydag het die aandele van mynmaatskappye met ‘n gemiddeld van meer as 5% geval. Sommige raam dat soveel as R50 miljard van hul markwaarde uitgewis is.

Die Grondwet het ‘n grondwetlike verantwoordelikheid en regsplig om swart Suid-Afrikaners te bemagtig, en die Stigting steun hierdie belangrike doelwit. Gegewe wie die Minister is, die vrae rondom hom oor die #GuptaLeaks en sy verbintenis met hulle, wonder ons egter wie die werklike begunstigdes is. Om eerlik te wees, ons is bekommerd dat ‘n Minister wat strafregterlik aanspreeklik is en moontlik oneerlik is, die vermetelheid het om sulke groot veranderinge aan te bring aan een van die belangrikste ekonomiese pilare van die land, terwyl die land in die moeilikheid is wat die ekonomie betref. Ons kan nie anders as om te vermoed dat hy die belange dien van die kapers van SA Bpk in die naam van transformasie nie. Die ANC, wat ‘n dringende vergadering met Minister Zwane aangevra het, het klaarblyklik dieselfde bekommernis.

Die FW de Klerk Stigting verwelkom die besluit van die Konstitusionele Hof dat ondersoek ingestel moet word na die moontlikheid van die Minister van Maatskaplike Ontwikkeling (die Minister) se persoonlike aanspreeklikheid vir die koste in die saak betreffende maatskaplike toelae. In ‘n saak waar die lewensbestaan van 17 miljoen Suid-Afrikaners wat van maatskaplike toelae afhanklik is, bedreig is weens die Minister se versuim om haar werk behoorlik uit te voer, dien die persoonlike aanspreeklikheid vir die koste as afskrikmiddel vir ander staatsbeamptes wat nie aan hul toesighoudende funksies oor staatsdepartemente voldoen nie.

Die Staatsdienskommissie se jaarverslag vir 2015/16 wys daarop dat die Kantoor van die Staatsprokureur soveel as 70% van sy sake verloor. Hierdie syfer duiop ondoeltreffende en onekonomiese gebruik van finansiële bronne, in direkte teenstryd van die Grondwet, wat basiese waardes en beginsels van openbare administrasie onderskryf.

Die FW de Klerk Stigting het onlangs ‘n voorlegging gemaak aan die Departement van Landelike Ontwikkeling en Grondhervorming oor die Draft Regulation of Agricultural Land Holdings Bill (die Konsepwetsontwerp).

Die belangrikste aspek van die Konsepwetsontwerp is die instelling van beperkings betreffende die grootte van plase, terwyl die eienaarskap van landbougrond tot Suid-Afrikaanse burgers beperk word. Buitelanders sal slegs huurreg hê op landbougrond, wat slegs vir ‘n paar jaar geldig sal wees.