Die Sentrum vir Grondwetlike Regte (die SGR) verwelkom ’n aankondiging deur die Minister van Staatsveiligheid, Minister David Mahlobo, dat die Inspekteur-generaal van Intelligensie (die IGI) ondersoek sal instel na die beweerde wangedrag van lede van die Staatsveiligheidsagentskap (SVA).
Die Sentrum vir Grondwetlike Regte (SGR) vier Vrouedag ter ere van alle vroue wat voortbou op ons grondwetlike demokrasie en die waardes, regte en beginsels waarop dit gegrond is.
Die Sentrum vir Grondwetlike Regte (die SGR) verwelkom die verbintenis van die Minister van Polisie, Nathi Nhleko, om “burgers se geloof en vertroue in ons wetstoepassingsagentskappe en die kriminele regstelsel te herstel” en sy erkenning dat daar ’n behoefte is om die doeltreffendheid en professionaliteit van die SA Polisiediens (SAPD) te bevorder.
Tydens die vorige parlementêre termyn is ’n reeks wette wat eiendomsregte raak, gedebatteer of aanvaar, waarvan sommige onderteken is.
Die Sentrum vir Grondwetlike Regte (die SGR) verwelkom ’n onlangse verklaring deur Minister Susan Shabangu, Minister vir Vroue in die Presidensie, dat die Wetsontwerp op die Bemagtiging van Vroue en Geslagsgelykheid (die Wetsontwerp) onttrek sal word sodat verdere oorlegpleging kan plaasvind.
Die Sentrum vir Grondwetlike Regte (SGR), in samewerking met die Universiteit van Stellenbosch se Skool vir Openbare Leierskap, die Frederik Van Zyl Slabbert Instituut vir Studentleierskapontwikkeling en die Konrad Adenauer Stigting, het die voorreg van Professor Russel Botman as gasspreker tydens ons onlangse Ontbytbesprekingsreeks oor die Grondwet en Goeie Openbare Leierskap op 19 Junie 2014 gehad.
Die Departement van Landelike Ontwikkeling en Grondhervorming (die Departement) het onlangs ’n nuwe beleidsdokument gepubliseer, getiteld “Strengthening the Relative Rights of People Working the Land“, wat drastiese veranderinge betreffende eienaarstrukture op kommersiële plase voorstel.
Vandag word die Verenigde Nasies se Wêrelddag ter Ondersteuning van Martelingslagoffers gedenk.
Op 16 Junie vier ons Jeugdag ter herinnering van die jongmense wat op daardie dag in 1976 opgestaan het teen ongeregtigheid en ongelykheid en die hoogste prys betaal het vir dít waarin hulle geglo het. In ooreenstemming met die Aanhef tot die Grondwet is hierdie dag ongetwyfeld ’n huldeblyk aan die jeug wat geveg en gely het vir geregtigheid en vryheid in ons land. Jeugdag gaan egter nie net oor die verlede nie, maar ook oor vandag sowel as die toekoms. Dit is ’n viering van ons Grondwet en die waardes, regte en vryhede wat ons vandag geniet. Dit is ‘n huldeblyk aan almal wat gestreef het na – en vandag steeds bou aan – ’n regverdige en demokratiese samelewing. Dit behoort te gaan oor ’n toekoms waarvoor die jeug van vandag, net soos die res van die samelewing, vandag reeds verantwoordelik is.
