Die amptelike politieke opposisieparty het aangedui dat hy voornemens is om, in ooreenstemming met die Parlement se bestaande Reëls, ‘n mosie van wantroue in die President in te stel. Die mosie sal op 1 Maart 2016 deur die Nasionale Vergadering gedebateer word. Die opposisieparty wys daarop dat die President se besluit om die Minister van Finansies, Nhlanhla Nene, laat verlede jaar te verwyder – ‘n besluit wat die ekonomie na bewering R500 miljard gekos het – die rede is vir die besluit om met die mosie voort te gaan. Dit is nie die eerste keer dat die opposisieparty gepoog het om ‘n besluit oor wantroue in die Nasionale Vergadering te aanvaar nie.

Die Sentrum vir Grondwetlike Regte (die SGR) verwelkom die eenparige beslissing deur die Konstitusionele Hof waarin die Hof die uitslag van verskeie tussenverkiesings in die plaaslike munisipaliteit ter syde gestel het en beveel het dat nuwe tussenverkiesings gehou word – omdat die verkiesings nie vry en regverdig was nie.

In sy onlangse beslissing in Kham and Others v Electoral Commission and Another het die Hof ook verklaar dat in die toekoms, wanneer ‘n kieser registreer om in ‘n spesifieke kiesdistrik te stem, die Onafhanklike Verkiesingskommissie (die OVK) verplig is om voldoende besonderhede van die kieser se adres te verkry ten einde te verseker dat die kieser ten tyde van registrasie normaalweg ‘n inwoner van daardie kiesdistrik is.