Op 8 Maart sal Suid-Afrika saam met die res van die wêreld Internasionale Vrouedag vier. Hierdie jaar se tema, soos op besluit deur United Nations Women, is “Gelykheid vir Vroue is Vooruitgang vir almal”. Die Gronwet waarborg die regte van alle burgers en stel menswaardigheid, die behaling van gelykheid en die bevordering van menseregte en -vryhede as grondliggende waardes daar.

Op Vrouedag erken ons die prestasies van vroue wat oor die dekades groot vooruitgang gemaak het. Afgesien van hierdie prestasies, erken ons ook ons grondwetlike reg op menswaardigheid, gelykheid en fundamentele vryhede -­ nie noodwendig as vrouens of mans nie, maar as gelykes voor die reg en die samelewing. Geslagsgelykheid is egter nie ’n reg waaruit slegs sekeres voordeel trek nie -­ die bevordering, beskerming en verwesenliking van die regte wat in ons Handves van Regte vervat word is tot almal se voordeel. Die vryheid en sekuriteit van die persoon is ’n fundamentele reg waarvoor die Grondwet voorsiening maak, en is gegrond op die grondwetlike waardes van gelykheid, menswaardigheid en die bevordering van menseregte en vryhede. Maar het ons, en veral mans, ’n gelyke verstandhouding oor hierdie regte?