Ismail Joosub hersien die Nasionale Vervolgingsgesag, wat gestig is as ‘n grondwetlike bolwerk teen misdaad en korrupsie, wat gely het onder politieke inmenging, swak leierskapskeuses en hulpbronbeperkings om ‘n dop van homself te word.
Die Nasionale Vervolgingsgesag (NVG) sal aan almal wat wil luister, vertel dat die liggaam onafhanklik en onpartydig is en dat die liggaam sonder vrees of begunstiging optree. Dit is dus logies dat, nadat die Minister van Finansies, Pravin Gordhan, van bedrog aangekla is – al is die meriete van die saak debatteerbaar – strafregtelike klagte ook ingedien sal word teen verskeie individue wie se sakeondernemings klaarblyklik verskeie Suid-Afrikaanse wette oortree het.
Dit is ‘n ingewikkelde saak en – waar daar sin van kan gemaak word – dit dui op ‘n organisasie wat vasgevang is in onderduimse aktiwiteite en wanadministrasie. Met die Nasionale Vervolgingsgesag (NVG) wat sedert sy instelling nog nie ‘n hoof gehad het wat ‘n volle termyn suksesvol voltooi het sonder om te bedank of wat gedruk is om die pos te verlaat nie, is een van die aanduiders hiervan.
Die jongste slag vir die vervolgingsliggaam is die onlangse bevinding deur die Noord-Gautengse Hoë Hof (die Hof) waarin die Algemene Balieraad ‘n aansoek gebring het dat Nomgcobo Jiba (Jiba) en Lawrence Mrwebi (Mrwebi) van die rol van advokate geskrap word – wat toe toegestaan is. In die beslissing het die Hof verdoemende bevindings teen die twee gemaak. Dit is van groot kommer dat die volgende gesê is van individue aan die stuur van die nasie se organisasie wat misdaad beveg: “Ek kan nie glo dat twee amptenare van die hof (advokate), wat sulke hoë poste in die vervolgingsgesag beklee, so laag sal daal vir die beskerming en verdediging van een individue wat by ernstige oortredings betrek word nie.”
Die Sentrum vir Grondwetlike Regte (SGR) verwelkom en steun die beroep van die Raad vir die Bevordering van die Suid-Afrikaanse Grondwet (CASAC) en andere om die aanstelling van ’n gekwalifiseerde en geskikte Nasionale Direkteur van Openbare Vervolging (NDOV). In hierdie verband neem ons kennis van ’n beslissing deur die Konstitusionele Hof teen CASAC se aansoek, waarin gevra is dat die aanstelling van ’n permanente NDOV dringend aangehoor moet word. Ons glo egter dat die Hof se beslissing geensins ’n weerspieëling is van die belangrikheid van die saak nie.
