Die FW de Klerk Stigting is bekommerd oor ’n verandering wat in die finale Regulasies op Munisipale Verkiesings aangebring was sonder dat dit in die konsepweergawe vir openbare kommentaar verskyn het. Volgens die Stigting wek die invoeging van ’n vereiste dat verkiesingsbesware deur ’n beëdigde verklaring vergesel moet word, ernstige vrae oor sinvolle openbare deelname, deursigtigheid in die verkiesingsproses en die nakoming van die Konstitusionele Hof se beginsels rakende wysigings wat ná die openbare deelnameproses aangebring word.