Uitgereik deur Daniela Ellerbeck namens die FW de Klerk Stigting op 18/08/2025

Die FW de Klerk Stigting wil die Suid-Afrikaanse publiek se aandag vestig op drie betekenisvolle privaatledewetsontwerpe. Elke wetsontwerp stel wysigings aan Suid-Afrika se Grondwet voor en is tans oop vir openbare kommentaar.

1. Voorstel om die Kabinet te Herstruktureer:

Eerbare Athol Trollip (ActionSA) stel die volgende voor: Die afskaffing van die amp van Adjunkminister; die verhoging van die aantal Ministers wat nie LP’s is nie; ’n vereiste dat ministeriële aanstellings deur die Parlement goedgekeur moet word; en die moontlikheid van mosies van wantroue teen individuele ministers. Stuur kommentaar teen Sondag, 24 Augustus 2025 aan speaker@parliament.gov.za (kopie aan parliament@actionsa.org.za).

2. Voorstel om Grond en Natuurlike Hulpbronne te Nasionaliseer:

Eerbare Mzwanele Manyi (MK Party) stel die volgende voor: Dat die staat die bewaarder van alle grond moet word en dat alle verwysings na “vergoeding” uit artikel 25 verwyder word. Asook dat die restitusie-afsnydatum verleng word tot 6 April 1652. Stuur kommentaar teen Woensdag, 27 Augustus 2025 aan speaker@parliament.gov.za (kopie aan Amngxitama@parliament.gov.za en mmanyi@parliament.gov.za).

3. Voorstel om Afgedankte Amptenare te Verhoed om ‘n Openbare Amp te Beklee:

Eerbare Glynnis Breytenbach (DA) stel die volgende voor: dat individue wat weens wangedrag uit regterlike óf Hoofstuk 9-posisies afgedank is, gediskwalifiseer word om openbare amp te beklee. Stuur kommentaar teen Saterdag, 30 Augustus 2025 aan speaker@parliament.gov.za (kopie aan legislation@da.org.za).

Hierdie wetsontwerpe raak aan kernbeginsels van die Grondwet. Die FW de Klerk Stigting doen ’n beroep op alle Suid-Afrikaners om die wetsontwerpe te lees, hul impak op hul lewens te oorweeg en deel te neem aan die vorming van die land se toekoms deur kommentaar te lewer.