Ondersteun die werk van die FW de Klerk Stigting
Vir meer inligting oor skenkings kontak info@fwdeklerk.org of skandeer die QR-kode hieronder.
FW DE KLERK STIGTING WENS KIESERS, OVK ALLES VAN DIE BESTE TOE VIR VERKIESINGSDAG
Uitgereik deur Christo van der Rheede namens die FW de Klerk Stigting op 28/05/2024
Die FW de Klerk Stigting wens alle Suid-Afrikaners ‘n vreedsame verkiesingsdag môre toe.
“Die Stigting rig sy beste wense aan die OVK vir die bestuur van môre se verkiesings om te verseker dat dit so effektief en doeltreffend as moontlik plaas vind en dat die verkiesings vry en regverdig is,” sê Christo van der Rheede, die Stigting se Uitvoerende Direkteur. “Ons het volle vertroue dat die OVK sy verantwoordelikhede ingevolge die Grondwet sal nakom en die verkiesingsuitslae so gou moontlik sal verklaar.”
Die FW de Klerk Stigting moedig alle Suid-Afrikaners aan om môre hul grondwetlike stemreg uit te oefen.