{"id":1661,"date":"2019-02-27T08:00:00","date_gmt":"2019-02-27T06:00:00","guid":{"rendered":"https:\/\/fwdeklerk.org\/artikel-die-anc-regering-speel-die-transformasieviool-terwyl-eskom-en-suid-afrika-se-ligte-nie-brand-nie\/"},"modified":"2021-07-20T21:07:48","modified_gmt":"2021-07-20T19:07:48","slug":"artikel-die-anc-regering-speel-die-transformasieviool-terwyl-eskom-en-suid-afrika-se-ligte-nie-brand-nie","status":"publish","type":"post","link":"https:\/\/fwdeklerk.org\/af\/artikel-die-anc-regering-speel-die-transformasieviool-terwyl-eskom-en-suid-afrika-se-ligte-nie-brand-nie\/","title":{"rendered":"ARTIKEL: DIE ANC-REGERING SPEEL DIE TRANSFORMASIEVIOOL TERWYL ESKOM EN SUID-AFRIKA SE LIGTE NIE BRAND NIE…"},"content":{"rendered":"

Minister Gordhan s\u00ea goeie wit \u00e9n swart werknemers en bestuurders is deur staatskapers uit Eskom gedwing omdat hulle nie meer in daardie toksiese omgewing wou werk nie. Van hulle is landuit, omdat hulle kundigheid op ander plekke in die w\u00eareld in ho\u00eb aanvraag is. Dis waar, maar staatskaping is nie grondprobleem van Eskom se bestuur en funksionering nie. Eskom sukkel al meer as die \u201cverlore nege jare\u201d…<\/p>\n

Of dit nou Eskom, Life Esidimeni, gebrek aan grondhervorming, bankrot munisipaliteite of besoedeling in die Vaalrivier is, is die antwoord op die vraag hoekom dit gebeur het altyd: \u201cons het \u2018n gebrek aan kapasiteit\u201d. Anders ges\u00ea: \u201cons het nie die mense om die werk te doen en dit reg te doen nie\u201d.<\/p>\n

As mens dan die verdere vraag vra, naamlik hoekom het julle nie kapasiteit nie, is die antwoord \u00f2f ontwykend of hoogstens dat dit die gevolg van \u201cstaatskaping en korrupsie\u201d is. Soms word Zuma se kaderontplooiing ook hierby gevoeg.\u00a0\u00a0Maar Eskom se probleme het nie ses of sewe jaar gelede begin nie; net so min as wat die talle wanfunksionele munisipaliteite (70% s\u00ea party) oor staatskaping van die Zuptas in die toestand is waarin hulle is.<\/p>\n

As gesoek word na die oorsake van \u2018n \u201cgebrek aan kapasiteit\u201d, word rassetransformasie, soos toegepas in regstellende aksie, gelyke indiensneming (wat die afgelope tyd al meer \u2018n perfekte oksimoron word) en Swart Ekonomiese Bemagtiging gerieflikheidshalwe vergeet. Dis wel bekend dat Eskom al jare spog dat hy di\u00e9 voorloper is met rassetransformasie – dit is dus nie net die Zuptas wat Eskom op sy knie\u00eb gedwing het nie. Dis ook die talle onbekwames wat oor die afgelope twintig jaar aangestel is. Nie dat daar nie goeie en bekwame swart mense aangestel is nie, maar hulle was en is duidelik in die minderheid; en die meeste van hulle is as gevolg van staatskaping en \u2018n wanfunksionele sisteem weg. Dieselfde is waar van talle munisipaliteite.<\/p>\n

Die feit dat Eskom self – onder druk van die Departement van Arbeid – steeds volhou met planne dat wit ingenieurs nog verder verminder gaan word, lyk die prentjie na die\u00a0ANC-regering wat die transformasieviool speel terwyl Eskom en Suid-Afrika se ligte\u00a0niebrand nie!<\/p>\n

Nee, kom ons sien die olifant in die kamer raak. Of liewer, kom ons erken openlik daar is \u2018n ander olifant in die kamer as staatskaping. Dis die olifant van sleg toegepaste regstellende aksie en swart ekonomiese bemagtiging. Dis die olifant wat gevoed word deur die ANC-regering se obsessie met ras, en die ideologie van rassetransformasie. Dis die olifant wat \u2018n dieet van 80:9:9:2 gevoed word – alle staatsinstellings (en al hoe meer privaatsektorinstellings ook), moet in geheel en in elke klein onderafdeling, die nasionale rassedemografie van 80% Afrikane, 9% wit mense, 9% bruin mense en 2% Indi\u00ebr weerspie\u00ebl. En dit geld of daar nou kapasiteit is of nie. En die voer van die olifant word vererger deur die klaaglike mislukking van die land se onderwys- en opleidingstelsel. Daar kom gewoon nie genoeg goed gekwalifiseerde swart Suid-Afrikaners deur om al die poste te vul nie.<\/p>\n

In dieselfde\u00a0Rapport<\/em> word Senzo Mchunu, \u2018n Ramaphosa-vertroueling aangehaal: \u201cOns sal dit berou dat ons sommige van ons swart bestuurders as mense van uitstaande gehalte bestempel het. Wat in die meeste semistaatsinstellings gebeur het, is dat di\u00e9 mense wat ons vertrou het, inderdaad swart bestuurders was, maar hulle was nutteloos. Hulle was uitstekend in mislukking en diefstal\u201d. Harde woorde, maar uiteindelik iemand van binne die kraal wat die rasbeheptheid van die ANC regering ontmasker.<\/p>\n

Daarby werk die 80:9:9:2 formule soos \u2018n kwotastelsel: daar is hofuitsprake wat dit bevestig en Eskom se planne bewys dit ook. Die kwota van 9% moet bereik word, en daarom moet daar teen wil en dank van wit mense ontslae geraak word teen Maart 2020 – selfs al veroorsaak die gebrek aan bestuur, onderhoud en tegniese kennis dat Eskom die hele land en ekonomie in groot moeilikheid het. Rassetransformasie kom eerste!<\/p>\n

Die stelsel s\u00ea: as jy nie \u2018n swart persoon kry nie (of jy kry dit nie oor jou gesonde verstand om \u2018n onbekwame of totaal onervare persoon aan te stel nie), laat die pos dan vakant… of stel maar \u2018n ongeskikte en onbekwame een aan, dit gaan mos eintlik oor die regstelling eerder as die effektiewe werkverrigting en dienslewering.<\/p>\n

Die berugte Renate Barnard-uitspraak van 2014 het, ten spyte van \u2018n hoogs twyfelagtige uitkoms, het tog \u2018n paar interessante waarskuwings oor regstellende aksie bevat:<\/p>\n